Виртуелна прошетка на Манастирот Св. Ѓорѓи, с. Кучково, општина Ѓорче Петров

Црквата посветена на Св. Ѓорѓи се верува дека била изградена во 1346 година, но за жал низ вековите била целосно запуштена, што довело до нејзнито уништување.

Во основа црквата е еднокорабна со мала тространа апсида и нартекс на чиј јужен ѕид се наоѓа и влезот. Била градена од обработен и кршен камен врзан со малтер. Оригиналниот кров на црквата бил целосно уништен. Кон крајот на XX век, црквата и манастирскиот комплекс биле обновени, кога биле изградени камбанаријата, конаците, библиотеката и другите помошни објекти.

Иконостасот во црквата бил изработен од страна на Петре Камењарката од село Лесново. Иконостадот е од делкан камен и е еден од ретките од тој вид во Скопско и околината на Скопје. Фреските во манастирската црква биле обновени од Петре Велешанецот со неговата тајфа.

За да ја погледнете виртуелната прошетка на цел екран притиснете тука