Средновековна селска црква која се наоѓа во атарот на штипското село Радање претставува една од најстарите цркви во Македонија, а најстарата црква во штипскиот регион и која во целост е сочувана. Црквата се наоѓа 15 километри североисточно од Штип до античкиот град Баргала.

За изградбата на црквата недостигаат литературни и историски извори, но во повелбата на царот Василиј II од 1019 година се спомнува средновековната населба Козјак, како енориски центар во рамките на Мороздвишката епископија. Постојат различни теории и претпоставки за времето на нејзиното настанување. Одредени мислења го посочуваат периодот од XI – XII век, а дел од научниците ја датираат во периодот од IX – X век, односно во времето на покрстувањето на Словените по долината на Брегалница.

Околу црквата се простира голема средновековна некропола. Забележано е дека тука се вршело погребување од VII, па сè до првите децении на XX век.

За да ја погледнете виртуелната прошетка на цел екран притиснете тука

Манастирот е сместен во подножјето на Шар Планина, над селото Лешок. Во манастирот, кој претставува најголем духовен центар во Полошкиот регион, се наоѓаат црквите Св. Атанасиј и Успение на Пресвета Богородица и гробот на Кирил Пејчиновиќ, еден од најпознатите македонски преродбеници.

Манастирот за првпат е основан во периодот од 1321 до 1331 година од полошкиот епископ Антониј, а обновен по доаѓањето на Кирил Пејчиновиќ од Света Гора во 1818 година обновени се манастирските конаци и основана манастирската библиотека.

Манастирот е уриван двапати, првпат во 1690 година, вторпат во 2001 година.

За да ја погледнете виртуелната прошетка на цел екран притиснете тука

Врз основа на манастирскиот поменик препишан во 1833 год., манастирот бил основан во 1021 година од страна на монахот Јован, а во XVI век манастирот бил урнат од страна на отоманите. Манастирот бил повторно обновен во 1743 година од страна на јеромонахот Иларион. Ова го потврдуваат и археолошките истражувања кога е константирано дека денешната црква, изградена околу 1800та година, е подигната врз темелите на две постари еднокорабни цркви.

Иконостасот во манастирската црква Св. Јован Бигорски претставува извонредно уметничко остварување на мајсторот Петре Филиповски. Начинот на обработката на иконостасот, богатството на фигурите и композициите со мотиви од Стариот и Новиот завет, го поставуваат овој иконостас во редот меѓу најдобрите достигања на резбарството во Македонија.

За да ја погледнете виртуелната прошетка на цел екран притиснете тука

Црквата посветена на Св. Никола се наоѓа висок над вештачкото езеро Треска од неговата јужна страна од спротива на црквата Св. Андреа.

Според пишаните податоците црквата била изградена од поп Ненад и други ктитори, меѓу кои се спомнува и кралот Марко, во 1345 година. Црквата била доградена и пресликана во XVII век.

За да ја погледнете виртуелната прошетка на цел екран притиснете тука